ليش ماتفتح مصور؟

يعني ليش؟ شنو علاقة التصوير في المصور؟ ليش لازم كل واحد يصور يفتح مصور؟ ملييت من هالسؤال الغبي، كل من يدري إني أصور يسألني هالسؤال، بس ماكو فايدة لم أشرح له إن تصوير الستيديو هو نوع من أنواع التصوير ، و إني أخب نوع ثاني من التصوير مثل الاندسكيب، يصير واحد من الأثنين، يا إنه يسأل سؤال ثاني أغبا مثل “عيل ليش ماتبيع صورك؟” أو يطالعني بالنظرة إلي كإنه يقول “شنو هالمعقد!” و أدري إن كل المصورين يعانون مثلي، شاركونا مشاكلكم


5 Comments on “ليش ماتفتح مصور؟”

  1. athoub says:

    واذا قلت لهم مابيع
    يقولون لك و بالفم المليان

    ويه ماعندك سالفة !

    ليش كل شي بالدنيا الفلوس؟
    طيب حلو إن الواحد يكون له مصدر رزق ثاني من شغله يحبها
    لكن في آكثر من طريق ممكن يسلكه عشان يحقق هذا الهدف

    و اللي يضايق أكثر إن هالاسئلة تيي من ناس قراب عليك و تحبهم لكن لما ايون يناقشونك بهالمسألة اللي انت تعتبرها مسألة مبدأ أكثر من كونها أرباح مادية
    مااتقدر تقنعهم ابدااا بوجهة نظرك فالأفضل انك تسايرهم و تطوف 🙂

  2. Khalid says:

    أنا أعاني من نفس المشكلة ..

    بس لما الأخ يشوف الصورة معلقة في ديوانية جدامه يسكر حلجه ولا يتكلم !!

    المشكلة ان أغلب الناس ما تبلع المصور ..

    بس لما يشوفون الصور جدامهم يقولووون .. واااو .. وبعدين كل واحد يطلع لي موبايله و يقول شوف شوف .. أنا كنت هني و صورت هالمنظر !!

    لما تشوف ودك تصكه على أفاااه ..

    خلك أنت الكبير يا فراس 🙂

  3. Mahooya says:

    الناس صايريين ماديين … ومايفكرون الا بالفلوس
    عندهم ان اذاذ الواحد عنده هوايه لازم يستفيد منها
    مايعرفون ان الهوايه هي هوايه
    ممارستها تخلي الانسان يطلع من الواقع ومن مشاكل الحياة
    الهوايه تريح الانسان من همومه

    انا اقول لاترد ولا تعور قلبك .. انا اللي يقولي جذي اقوله ان شاء الله بالمستقبل
    اما اذا كان شخص قريب مني فهو فاهمني ما احتاج اشرح

    انا هالموضوع محيرني من بديت اصور ووايد استانست انك طرحت هالموضوع

  4. Haitham says:

    صج شيء غريب و عجيب…..
    أول أمس الثلاثاء قاعد في ديوانية واحد من الشباب و كنا نتكلم عن التصوير و شنو تقدر إتصور بالكويت ….
    نط واحد ما أعرفه و سألني عندا عرس بعد العيد تيي إتصور؟؟؟؟!!! بغيت أرد علييه بس تعوذت من الشيطان… قلت له إيي أصور 200 دينار …. إنصدم بس حبيت أخليه يقطع سالفتة….
    واحد سألني ليش ماتبيع إصورك تفلسف… رديت عليه ليش إنت شراي؟؟؟ سكت 🙂

  5. Suliaman_q8 says:

    Lo0oL e 9a7 wala kil mara ygolin ly nafs hL klam 😀

    ana a9lan alt9wer hwaya oO bs mo mfaker fiha a9la 7ita ka business bs alnas madin

    bs ya3my wala ana ymkin akther wa7d sma3t 7achy min blasht ta9wer

    bs al7in al7imd lilah alkil ymda7 bL 9waer oO wda yt3alam ta9wer 😀


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s